كسول مش كدة......لكن الحقيقة إنى انشغلت كتير من ساعة ما قررت انزل مصر.....بعد اربع سنين متواصلين فى الغربة كان لازم ناخد اجازة نستريح من الضغط اللى شوفناه فى الأربع سنين الماضية.....صحيح انا ما كملتلكوش الحكاية من ساعة اول بوست عن الحكاية....لمن ان شاء الله اببتد انفض التراب و الصدا و اكملالحدوتة......المهم اكمل السبب فى كسلى الستة شهور الماضية....زى ما قولت الإستعداد للنزول بعد الفترة الطويلة دى و كمان كان لازم نفضى الشقة اللى كنا ماجرنها لأننا مكناش نعرف حنعقد فى مصر اد ايه.....فمن اول سبتمبر لغاية نهاية اكتوبر كنا مبنامش عشان نفضى الشقة وكمان كنت باشتغل عشان اغطى مصاريف الشقة و المعيشة فترة الشهرين دولو قد كان.........نزلنا مصر و من ساعتها مكناش بنقعد فى البيت زيارات زيارات.....و كمان انا قولت فرصة ارجع الشغل عشان يبقى فيه دخل.........و عشان كده مرت الشهور لغاية ما وصلنا لغاية دلوقتىو ادينا بنستعد للسفر تانى و ربنا يسهلها.....مصر دى غريبة جداً....بالرغم من الزحمة و الدوشة و قلة النضافة لكن فيها سحر مش موجود فى أى مكان....ممكن اكون متحييز و كمان ممكن أى حد يقول عليا بتاع شعارات....لكن مش مهم....المهم ان ده احساسى.....
.....وبعدين.....
و لا حاجة ده كل اللى عايز اقولوه....و اتمنى يما اننى راجع للبعاد تانى ان شاء الله يكون عندى الوقت و النشاط اللى يخلىنى متابع كل حاجة.....
ادعولى يعدى السنتين الجايين على خير ان شاء الله و نرجع نهائياً للزحمة و الدوشة و قلة النضافة.....
التسميات: كسلان و قلقان
.....وبعدين.....
و لا حاجة ده كل اللى عايز اقولوه....و اتمنى يما اننى راجع للبعاد تانى ان شاء الله يكون عندى الوقت و النشاط اللى يخلىنى متابع كل حاجة.....
ادعولى يعدى السنتين الجايين على خير ان شاء الله و نرجع نهائياً للزحمة و الدوشة و قلة النضافة.....
التسميات: كسلان و قلقان
No comments:
Post a Comment